பச்சை மயில் வாஹனனே
சிவ பாலசுப்ர மணியனே வா
என் இச்சையெல்லாம் உன்மேல் வைத்தேன் - முருகா
எள்ளளவும் பயமில்லயே
பச்சை (..)
கொச்சை மொழியானாலும் – உன்னை
கொஞ்சி கொஞ்சி பாடிடுவேன்
சர்ச்சை எல்லாம் அழிந்ததப்பா – எங்கும்
சாந்தம் நிறைந்ததப்பா
பச்சை (..)
நெஞ்சமதில் கோயில் அமைத்தேன்– அங்கு
நேர்மையெனும் தீபம் வைத்தேன்
செஞ்சிலம்பு கொஞ்சும் வேலா – முருகா
சேவல் கொடி மயில் வீரா
பச்சை (..)
வெள்ளம் அது பள்ளந்தனிலே – பாயும்
தண்ணி போல் உள்ளந்தனிலே – நீ
மெல்ல மெல்ல புகுந்து விட்டாய் – எந்தன்
கள்ளமெல்லாம் கரைந்ததப்பா
பச்சை (..)
ஆறுபடை வீடுடையா
எனக்கு ஆறுதலை தரும் தேவா
நீ ஏறுமயில் ஏறி வருவாய் – முருகா
எங்கும் நிறைந்தவனே
பச்சை (..)
அலைகடல் ஓரத்திலே – என்
அன்பான சண்முகனே – நீ
அலையா மனம் தந்தாய் – உனக்கு
அனந்த கோடி நமஸ்காரம்.
பச்சை (..)
பச்சை மயில் வாஹனனே
சிவ பாலசுப்ரமணியனே வா
என் இச்சையெல்லாம் உன்மேல் வைத்தேன் - முருகா
எள்ளளவும் பயமில்லயே
பச்சை (..)
